Nigaar Khana-e-Hasti me koo ba koo huay hum,

Nigaar Khana-e-Hasti me koo ba koo huay hum,
Teri Talash me khud apni Justju huay hum.

Hamesha door hi sy dekhty thy Aaina,
Na jany kya hua phir us k Rubru huay hum.

Tery Ishary py Khamosh ho gaay Lekin,
Gali Gali yahan Mozu_e_Guftgu huay hum.

Yahi to Dast e Hunar ki Karishma Saziyan hein,
K zakhm koi Nahi or lahoo lahoo huay hum.

Fiza e koocha o drbaar ho k Maqtal ho,
Bs ik Jurm e Sdaqat py Surkhru huay hum.

Hamara kya hy k hum to Hawa-e-Sehra thy,
Tumhari Bazm me aey to Mushk-boo huay hum.