Aik ho kr b hazaron se ulajh parta hy

Aik ho kr b hazaron se ulajh parta hy
ishq paidal b
sawaron se ulajh parta hy

koi ilzam nahi
tum se fakat pocha hy
teer kya khud hi shikaron se ulajh parta hy

khwahish-e-gul me to milti hy saza ujlat ki
yonhi daaman nahi khaaron se ulajh parta hy

gaahy gaahy tujhe kya hota hy
Allah Jany
be'sabab apne hi yaron se ulajh parta hy

ek lamhy ko chaand jo ojhal ho jaye
dil wo zidi k
sitaron se ulajh parta hy

zabt darya ka b dekha hy "Ahmad" ne
bojh party hi kinaron se ulajh parta hy.