Tanha rehna seekh raha hoon

Tanha rehna seekh raha hoon
Mar ke jeena seekh raha hoon

Mang ke paana seekh liya hai
Pa ke khona seekh raha hoon —–

Sabar ko zad-e-rah bana kar —–
Kanch pe chalna seekh raha hoon —–

Phirtay, phirtay sehra, sehra —–
Pyaas ko peena seekh raha hoon —–

Marham to rakhna na aaya —–
Zakhm Chupanaa seekh raha hoon —–

Jeenay ke hain ajab taqazay —–
Zinda rehna seekh raha hoon —–

Madhooshee ne bahut sataaya —–
Hosh me rehna seekh raha hoon —–

Barson guzray phir bhi ab tak —–
Maan say bichcharna seekh raha hoon —–

Dar kar zehar ke pyaalay se —–
Such ko chupaana seekh raha hoon —–

Rotay rotay auron par —–
Khud pe hasna seekh raha hoon —–

Gum ne mujh ko bohat hai khaya —–
Ab gum ?ko khana seekh raha hoon —–

Khud pe hairan hota hoon —–
Kartab, kya kya seekh raha hoon…