Masti e ishq ki rangeen ada “maykhana"

Masti e ishq ki rangeen ada “maykhana"
Apne sookay huway honton ki sada “maykhana"

Mujhse mat pooch mere jurm o saza Ay saaqi,
Ishq hay jurm mera aur saza “maykhana"

Dasht e tanhai main is ne hi sambhala mujhko,
Mera hay koi, to hay baad e khuda “maykhana"

Yaar zalim nay meri pyas bujhai hay to tab,
khanjar e ishq se jab dil pay likha “maykhana"

Aaj masti thi bohat unki adaon main SAGAR,
Wajah jo un se hay poochi to kaha “maykhana"